蔣萬安（1978年12月26號—），台灣政治人物，臺北市長，係蔣經國個孫，蔣孝嚴個仔，係前任立法委員（台北市第三選區）、國民黨立院黨團書記長同中常委，做過國民黨智庫董事同埋立法院社福衛環召委，有美國律師執照。綽號叫做：safe哥， 是由立委 在當時因為名字翻譯出錯，才有這個綽號。
蔣萬安係行政院前副院長、外交部前部長蔣孝嚴嘅仔。佢分別喺臺北市立建國高級中學同埋國立政治大學外交學系同法律學系畢業。2004年佢喺美國賓州大學攞到法學碩士學位。2005年佢同佢老豆一齊改返姓做蔣。2006年佢喺賓州大學攞到法律博士（J.D.）學位，2007年成為加州執業律師，之後從事商務律師工作。2013年佢返台灣住，2015年為咗從政放棄咗美國綠卡。2016年佢當選立法委員，2020年連任，然後喺2022年當選臺北市市長。
經歷
蔣萬安原本叫章萬安，響台北市出世，係蔣孝嚴唯一嘅仔，而佢自稱個名「萬安」係由佢爺爺蔣經國改嘅，響2005年先至改返名叫蔣萬安。佢響臺北市立建國高級中學同埋國立政治大學畢業，後嚟出外國讀書，攻讀美國賓夕凡尼亞大學法律博士同埋法學碩士，成功畢業之後響加利福尼亞州做持牌律師，重響2011年同人響三藩市開事務所叫萬澤國際法律事務所。但係響2015年佢突然宣佈參選臺北市第三選舉區，重放棄埋美國綠卡。佢以55.376%得票率贏咗羅淑蕾嘅44.624%成功當選，由於佢老豆蔣孝嚴響2010年、響同一個選區，輸咗畀羅淑蕾，所以爾次選舉畀人叫做「王子復仇記」。
2007年12月11日，蔣萬安攞到美國加利福尼亞州執業律師資格[3]，成為一名商業律師。佢先後喺Wilson Sonsini Goodrich & Rosati同Crone & Rozynko等律師樓做律師，做包括上市等業務。喺2008年，因為金融風暴，佢喺事務所畀裁員資遣，結果失業。2011年，佢喺三藩市合夥創辦萬澤國際法律事務所；[9]2013年，佢同太太同長子返台定居，2014年3月喺台北市設置律師樓分部。呢間事務所在2016年被加州政府勒令停業。